Nikita Yermolayev

Nikita Yermolayev — RA Kombinat (Olmaota, Qozog‘iston) agentligi asoschisi va ijodiy direktori, reklama sohasida 15 yildan ortiq tajribaga ega. U televideniye, raqamli platforma, aktivatsiya va dizayn yo‘nalishlarida integratsiyalangan kampaniyalarni boshqaradi.

Uning ishlari 180 dan ortiq xalqaro mukofotlar bilan taqdirlangan, jumladan Cannes Lions, Spikes Asia, Webby, Epica, Red Apple, KIAF, White Square va boshqalar.

2025 yilda Nikita Qozog‘iston tarixida ilk bor Cannes Lions festivalining mukofotlovchi hakamlar hay’atiga (Brand Experience & Activation yo‘nalishida) a’zo bo‘ldi — bu mintaqaviy kreativ industriya uchun tarixiy yutuq bo‘ldi.

U shuningdek Spikes Asia, Webby Awards, Red Apple, White Square, Ad Black Sea, TAF kabi yirik festivallarda ham hakamlik qilgan. U kreativ g‘oyalarni nafaqat ijodkorlik, balki madaniy ahamiyat, bajarilish sifati va eng asosiysi — real ta’sir nuqtai nazaridan baholaydi.

Nikitaning fikriga ko‘ra, chinakam kuchli g‘oyalar — bu faqat mukofot uchun emas, balki haqiqiy biznes muammolarini hal qiladigan loyihalardir.